شروط الاستخدام

01 الحساب

بتسجّل بإيميلك فقط. منبعتلك رمز من ٦ أرقام كل مرة بتسجّل دخول — ما في كلمة سر تنساها أو تتسرّب.

الحساب إلك وحدك. مشاركة الحساب أو بيانات الدخول مع غيرك بتعرّض الحساب للإيقاف بدون استرجاع.

02 الدفع والوصول

الدورات تُشترى مرة واحدة، ويستمرّ وصولك إليها على نفس الحساب ما دامت منصّة QAcart تعمل — بما في ذلك أي دروس تُضاف للدورة لاحقاً، وبدون أي رسوم إضافية. لا اشتراك شهري ولا تجديد.

ولنكن صريحين: لا توجد منصّة تستطيع أن تضمن وصولاً "مدى الحياة" حرفياً. إن توقّفت المنصّة عن العمل أو أُغلقت الشركة لأي سبب، ينتهي الوصول ولا يترتّب على ذلك استرجاع. هذه مش الخطة — نبني QAcart لتبقى — لكنّنا نفضّل أن تعرف هذا قبل الشراء لا بعده.

الدفع بالبطاقة بيتم عن طريق Stripe، وبينفتح الوصول تلقائياً بعد نجاح العملية. ما بنشوف ولا بنخزّن رقم بطاقتك.

الدفع عن طريق كليك (للأردن) بيتم يدوياً: بتحوّل، بتبعتلنا إيميلك وصورة الحوالة، وبنفعّل الدورة خلال ساعات.

03 لا يوجد استرجاع

الشراء نهائي. ما بنسترجع المبلغ بعد إتمام العملية.

عشان هيك في ٣٣ درس مجاني مفتوح لأي حدا قبل الدفع — أول درس من كل قسم. جرّب المحتوى والأسلوب والصوت قبل ما تدفع.

إذا دفعت وما انفتحت معك الدورة، هاي مشكلة تقنية مش طلب استرجاع — راسلنا على واتساب ومنحلّها.

04 المحتوى

محتوى الدورات ملك QAcart. الشراء بيعطيك حق المشاهدة والتعلّم الشخصي — مش حق إعادة النشر أو التوزيع أو البيع أو الرفع على منصة تانية.

تحميل الفيديوهات أو إعادة نشرها بيوقف الحساب بدون استرجاع.

05 التغييرات

ممكن نحدّث الدورات ونضيف دروس — هاد بصير لصالحك وبدون رسوم إضافية.

إذا تغيّرت هالشروط بشكل جوهري، منحدّث التاريخ فوق.

06 التواصل

أي سؤال أو مشكلة: من صفحة «تواصل معنا» على الموقع — هاي أسرع طريقة، لأنه بتوصلنا مباشرةً مع نوع طلبك.

أو مباشرةً على hello@qacart.com، أو واتساب من صفحة الدورة إذا كانت مشكلة دفع ولازم تبعتلنا صورة الحوالة.