قبل ما تغرق بالمحتوى، في شيء عملي لازم تعرفه من هسا: بآخر هاد الكورس في قسم كامل اسمه «تجهيز جهازك للتطوير والاختبار».
ثلعش درس بياخدوك من جهاز فاضي لجهاز جاهز للشغل — Windows و Mac — وبنتهوا بإعداد GitHub.
وحطيناه بالآخر عن قصد، مش لأنه أقل أهمية.
بنهاية هاد الدرس، رح تكون قادر على:
سبب بسيط: معظم الناس أجهزتهم جاهزة أصلاً، أو على الأقل فيها اللي بتحتاجه للبداية.
لو حطينا ثلعش درس تنصيب بأول الكورس، أول انطباع رح يكون «هاد كورس تنصيب برامج» — وهاد مش الكورس. فخليناه بالآخر، متاح لما تحتاجه.
القسم مقسوم حسب نظام التشغيل، فما بتضيع وقتك بدروس مش إلك:
في مقالة مفصلة بتاخدك خطوة خطوة. وبعدها تابع الدروس اللي بتبلش بكلمة Both — هدول بيشتغلوا على النظامين.
في دروس فيديو بالترتيب: سياسة التنفيذ، الـ Terminal وثيمه، خط Fira Code، الـ Chocolatey، الـ Oh My Posh، وتنصيب Java و SQLite و Git و NVM و Maven، وبعدها IntelliJ.
آخر درس بالقسم هو إعداد GitHub — وهاد بتحتاجه مهما كان نظامك، سواء عشان تنزّل مشاريع الكورس أو عشان تشتغل بفريق.
في الدرس الجاي: بنرجع لأساسيات الاختبار ونكمل من وين وقفنا.
يلا، نلتقي بالدرس الجاي!