بأربع دروس عملنا أربع أشياء مختلفة تماماً: مسح أخبار من الإنترنت، Dashboard تفاعلي من ملف مبيعات، أجوبة من ملفات PDF، وشرح مبسّط لموضوع صعب انحفظ بملف HTML.
أربع مهام، أربع مجالات، ونفس الوكيل بدون أي إعدادات إضافية.
في شي مشترك بينهم كلهم، وهو مش الوكيل ولا الأدوات. المشترك هو شكل الطلب. لمّا ترجع تقرأ الأوامر اللي كتبناها بالدروس الأربعة، رح تلاقيهم كلهم مبنيين على نفس الهيكل.
هاد الدرس بيفكّك هاد الهيكل، حتى توقف تخمّن وتبلّش تكتب طلبات بتشتغل من أول مرة. وبعدها منفتح قائمة أفكار أبعد بكثير من الأربعة اللي شفناهم.
بنهاية هذا الدرس، رح تكون قادر على:
خذ الطلب اللي كتبناه بدرس الـ Dashboard وفكّكه:
scan the file Sales 2025.csv and build for me an interactive HTML dashboard
with revenue per month, top products and filters, and save it as dashboard.html| العنصر | بالمثال |
|---|---|
| 1. المصدر — من وين ياخذ المعلومة | Sales 2025.csv |
| 2. المهمة — شو يعمل فيها | scan و build |
| 3. الشكل — شكل الناتج | interactive HTML dashboard |
| 4. التفاصيل — شو بدك تشوف بالضبط | revenue per month, top products, filters |
| 5. المكان — وين يحفظه | dashboard.html |
لمّا تطلع النتيجة غلط، دايماً في عنصر ناقص. طلعت الأرقام مش اللي بدك؟ التفاصيل ناقصة. ما لاقيت الملف؟ المصدر مش واضح. طبع الجواب بالشاشة وما حفظ إشي؟ ما حددت المكان.
هاد العنصر اللي أغلب الناس بتقصّر فيه، مع إنه أسهلهم:
1. الرمز @. اكتب @ بالـ Terminal وبيفتحلك قائمة ملفاتك. شفناها بدرس الـ PDF مع @Zaytoun Documents. هاي أسرع وأدق طريقة، لأنه ما في مجال يخمّن غلط.
2. المجلد كله. طول ما فتحت الوكيل جوّا مجلد، هو بيوصل لكل اللي جوّاته. «اقرأ كل ملفات الـ PDF بهاد المجلد» بتشتغل بدون ما تسمّي ولا ملف.
3. صورة بالسحب والإفلات. خذ Screenshot واسحبها على الـ Terminal — زي ما عملنا مع صفحة كتاب الـ PMP. الوكيل بيقرأ الصورة.
4. الإنترنت. لمّا ما تعطيه ملف، بيروح على الإنترنت — زي درس مسح الأخبار. وبتقدر تحدّدله المواقع والشركات اللي بدك ياها بالضبط.
هاي أكثر نقطة بتفرق بنتيجة تستخدمها ونتيجة بتقرأها وبتنساها.
وأهم من هيك: قول له الشكل اللي بدك ياه من أول طلب. «اشرحلي الـ Agentic Loop» بتعطيك فقرة بالشاشة. «اشرحلي الـ Agentic Loop بأسلوب مبسّط واحفظه بملف explain.html» بتعطيك شي بتحتفظ فيه.
بدرس الشرح شفنا الفكرة بوضوح: طلعت النتيجة، ما عجبتنا، طلبنا Light Theme، طلبنا لغة أبسط، وضلّينا لحد ما ظبطت.
الوكيل ما بيمل. ما في داعي تكتب طلب مثالي من أول مرة — اكتب طلب معقول، شوف الناتج، وعدّل.
وثلاث حركات بتوفّر عليك وقت كثير:
اشتغل على أكثر من شي بنفس الوقت. افتح Terminal ثاني بنفس المجلد وشغّل Session جديدة. ما بيصير تعارض — كل Terminal زي موظف مستقل، والاثنين بيوصلوا لنفس الملفات.
ارجع لشغل قديم. اكتب / واختار Resume، وبتشوف كل الـ Sessions اللي عملتها بهاد المجلد وبترجع من وين ما وقفت.
سكّر وافتح Session جديدة لمهمة جديدة. خلط مهمتين بجلسة وحدة بيخلط السياق ويضعّف الجوابين.
الدروس الأربعة كانت أمثلة، مش القائمة. هاي أفكار بنفس القدرات بالضبط — قراءة ملفات، بحث، تحليل، وكتابة مخرجات.
كل طلب ناجح فيه خمسة: المصدر، المهمة، الشكل، التفاصيل، والمكان. لمّا النتيجة تطلع غلط، دوّر أي واحد ناقص.
@ أسرع وأدق طريقة تحدد فيها المصدر. وبتقدر كمان تسحب صورة، أو تعطيه المجلد كله، أو تتركه يروح على الإنترنت.
حدّد شكل المخرجات من أول طلب. ملف HTML غالباً أنفع من فقرة بالشاشة — بتفتحه، بتعدّله، وبيضل معك.
التعديل جزء طبيعي من الشغل. الوكيل ما بيمل، وأول نتيجة نادراً بتكون الأخيرة.
شغّل أكثر من Terminal، وارجع للشغل القديم بـ Resume. كل جلسة موظف مستقل، وكلهم بيوصلوا لنفس الملفات.
إذا بدك تصحيح يضل معك، قوله يحدّث الـ Memory — غير هيك بيروح مع الجلسة.
أول سؤال بأي مهمة: وين الملفات؟ هون بالضبط الفرق بين وكيل وشات.
في القسم الجاي: لاحظت إنك بكل درس كنت تعيد نفس التفاصيل والتفضيلات؟ رح نوقف هالتكرار — منعلّم الوكيل أسلوبك مرة وحدة ومنخزّنه كـ Skill بيستدعيها بكلمة.
يلا، نلتقي بالقسم الجاي!